Syne Jesus gaed on tae the boat, an his disciples cam abuird efter him. On a suddentie a fell storm rase the loch, an the jaws cam jow-jowin owre the boat. But Jesus ey sleepit.

Sae they cam an waukent him an said til him, ‘Sauf us, Maister, we‘r likin tae be drouned!’ But Jesus said til them, ‘What makes ye sic couarts? What hes come owre your faith?’ Syne he stuid up an bostit the winds an the watter; an aa fell lown an still.